Það kom heldur betur góður kippur í merarnar um helgina og þegar þetta

er skrifað eru fædd fimm folöld á Hrísum. Líf frá Efsta-Dal reið á vaðið og

kastaði brúnni hryssu sem skírð var Dalalíf frá Miðgerði. Dalalíf er undan Fjarka frá

Breiðholti. Laugardaginn 5. Júní köstuðu svo þrjár hryssur, fyrst Týva frá Árgerði

rauðstjörnóttum hesti, Magnúsi frá Miðgerði undan Dósent frá Brún. Þá var komið

að Rán frá Steinnesi með jarptvístjörnótta hryssu Þrá frá Miðgerði undan Þorra frá

Þúfu. Loks er að líða tók á kvöldið var komið að henni Lottu frá Garði sem kastaði

rauðum hesti undan Auð frá Lundum. Gulli vinur minn á hana Lottu frá Garði.

Svo nú í morgun var Sunneva frá Akureyri Dósentsdóttirin köstuð svörtstjörnóttu

folaldi sem er undan Spóa frá Kjarri og verður það að öllum líkindum grátt. Ekki var

unnt að kyngreina gripinn en það  verður gert fljótlega og eins myndað í bak og fyrir.

Týva og Magnús

Rán og Þrá

Lotta og Auðssonur

Líf og Dalalíf